Rie fan Yang Ming

Ut it skûtsje-argyf 2015

It hie wat fan de see
de moarns by ’t rizen fan de sinne,
in trijemêster op ‘e ree,
it soe hjoed samar kinne.

It wie de Snitser mar
dy’t moarns al blonk fan kleare wille,
de trijemêster nêst it far
wie op dit plak fersille.

In teken yn it ljocht
fan op ‘e romte skûtsjesile?
’t Mystearje hat de wierheid brocht,
dêr’t frjemden ek yn spilen.

Want sjoch, dêr hast Yang Ming,
dy’t oer de see foer út in naasje
dêr’t lang al spile yang en yin,
hjoed goed foar ynspiraasje.

Wa’t earst noch fjirtjin wie,
liet konkurrinten sjen de spegel,
hy folge Sina’s wize rie,
ferfrjemde fan de regel.