Willem Tjerkstra’s thússide
admin

Hillige Jeanne d’Arc

Skiednisbylden

fan ûnbekend*

Kin in ketter hillich wurde,
Jeanne d’Arc, jongfaam noch mar,
dy’t har as man ferklaaide,
foar de Frânsman moedich focht,
har dieden fangt men net yn wurden.

Lit de dieden fan har tsjûgje,
Jeanne d’Arc wie neat te bar,
al wie Gods stim har hillich,
dy’t se somtiids hearre mocht,
sy soe foar Him har knibbels bûgje.

Nei oerwinnings finzen nommen,
waard sy as in bist ferkocht,
de Ingelsman, skynhillich,
seach har foar in ketter oan,
doe is se yn it fjoer omkommen.

Mar it wie fiif iuwen letter
dat de paus seach har yn ’t ljocht
fan hilligens, hy klaaide
har yn frommens op ’e troan,
befrijd wie Jeanne d’Arc… gjin ketter!

* Skilderij ‘Jeanne d’Arc, de faam fan Orléans’

Related Posts

Archief

Zoeken

  • Categorie

  • Datum