Willem Tjerkstra’s thússide
admin

Fierder as Weimar

Skiednisbylden

fan ûnbekend*

De keizer wie de grins oergien
fan hearskippij nei boargerskip,
it gie yn ’t lêstoan samar:
‘Fuort mei Wilhelm, jou ús mear as ien,
de republyk fan Weimar!’

De republyk fan mear as ien
kriich folle minder yn de knip
fanwege de ynflaasje;
’t wie de terroristen net ûntgien,
sy swarden by de naasje.

Yn München kaam de binde oan,
dêr’t Adolf Hitler fêste grip
op hie: de revolúsje
spriek mei skomjend bier op skrille toan,
mar ’t waard in desyllúzje.

De lieder is de sel yngien,
foar Adolf wie de dip net djip,
’t gie jierren letter samar:
‘Heil foar Hitler, want der is mar ien
dy’t fierder giet as Weimar!’

* Foto ‘Steatsgreep yn München’

Related Posts

Archief

Zoeken

  • Categorie

  • Datum