Willem Tjerkstra’s thússide
admin

Trojaansk Breda

Skiednisbylden
PDF Print E-mail
fan Charles Rochussen*

Soe de stêd Breda it roaie
om de Spanjaard te ferslaan?
As ’t lei oan skipper Adriaan,
dan waard Breda as Troje.

Skipper Adriaan koe tinke
as de bêste op syn skip
mei turf, hy joech in gouden tip,
hy soe as kriichsheld blinke.

Adriaan liet skruten witte,
mei syn sûnens wie it mis,
de omkesizzers soene wis
it turfskip farre litte.

Under turven de soldaten,
farrend nei Breda’s kastiel
mei sapnning yn de blaas en kiel,
gjinien hie ’t yn de gaten.

De soldaten sieten tiden
klomsk en roppich ûnder ’t dek
en doe’t de skûte rekke lek,
wie ’t pompe, noch net stride.

Skipper Adriaan liet witte
hoe’t syn skûte farre moast,
it wie de rûte op syn koartst,
fan spanning hat er switten.

Under turven wei soldaten,
wat de Spanjaard kaam oer ’t mêd,
sa waard befrijd de turfskip-stêd,
de kriichsheld lang bepraten.

Image

* Charles Rochussen (1814-1894)
Skilderij ‘It tufkskip fan Breda’

admin

Ferjitte

Skûtsjesilen
PDF Print E-mail
Ut it skûtsje-argyf 1986

Men soe Langwar net gau ferjitte:
hurde wyn en fol it seil,
dêrby gjin wetter ûnder ’t flak,
dan sylt in skûtsje as in dweil,
mar kin de skipper dêrmei sitte?

Image

Jan* siet yn soargen oer de loete,
want dy lei noch op it dek
fan ’t folchskip, net it krekte plak,
dat foar de wyn sylst dan foar gek…
foar Snits it lêste plak as boete?

Langwar hat Snits doe net fergetten,
brocht de loete nei it skip,
mar wie dat neffens wedstriidwetten?

Wâldsein hat mei ’t probleemke sitten,
fûn it wie dochs fierste gek
dat Jan kaam sa oan syn gerak;
ferjitte is net krekt,
dat moasten Snitsers dochs wol witte.

Se ha it by in driging litten,
want Wâldsein wûn ek in priis,
dan kin men sa’n protest ferjitte.

Image

* Jan van Akker

Archieven

Zoeken

  • Categorie

  • Datum