De Vries, oprjocht en sljocht Friezinne,
seach as deputearre nei de fierte
fan de jierren, want wa wol net o sa
graach de wei berinne om te winnen:
Fryslân kulturele haadstêd fan Europa!

Wat haadstêd moast it wurde,
Ljouwert, Drachten of dochs Snits?
De striid is net ferhurde,
mar kreëarre earder yn in flits.

De flitsen fan ideeën
fleagen oer ’t ahapapier,
se weagen op ‘e seeën,
farrend fan tichtby nei jierren fier.

Mar gean net nei de fierte
as de Fryske skuorre swingt;
bewarje ’t âlde witten,
earst beharkje wat it jonge bringt.

De Fries, oprjocht en ljocht fan sinnen,
debutearret op ‘e sljochte basis
fan syn lânskip, gea en geast, wol o sa
graach de wei berinne om te winnen:
Fryslân kulturele haadstêd fan Europa!

De dei brekt út ‘e nacht
it keatling mei de die:
troch ’t weevjen fan de trie
mei sinneljocht ferlieze
stielen skeakels harren macht.

De sinne siket nei
har suske op ‘e taast,
se fynt de blom en maast
har strieljend hiel, ferwizend
nei de trochbraak fan de dei.