Willem Tjerkstra’s thússide
admin

Troch de dei

Lyrysk Deiboek
PDF Print E-mail
It ljocht fertizet yn de dize
fan de moarn en kin gjin tint
yn slomme noch berikke.
De stilte sprekt net fan it rizen
fan de sinne, want wat wint,
dêr sil de wyn oer wikke.

Image

De wyn seit wier wat yn in oere
barre sil, stekt op en waait
it skiere nei de fierte.
No kin it ljocht it lânskip roere
dat yn kleare kleuren baait,
de middei sil it witte.

Image

De sinne bliuwt net yn de midden
tusken moarntiid en de jûn,
mar sil syn geunst ferdiele.
Hy sakket diskear yn ’t fermidden
fan de tinten dy’t, ûntbûn
fan dize, folút strielje.

Image

admin

Lytse rest

Lyrysk Deiboek
PDF Print E-mail
Syn tiid hat west,
de brede skouders, grutte bek,
oerskaadzjend en oerskreauwend
de lytse rest.

Image

En no fergiet
de griene hoop ta grauwe drek,
ferfretten en ferfallen,
sjedêr dat wie ’t.

Mar fierderop dêr riist
it libben op ien foet,
trochskinend en ferbinend
it teare op syn hoed.

Image

En wylst it reade wiist
de spoaren yn it rûn,
beskieden bliuwt de wiisheid
yn libben by de grûn.

Archieven

Zoeken

  • Categorie

  • Datum