Willem Tjerkstra’s thússide
admin

Kompromis

Lyrysk Deiboek
PDF Print E-mail
Se sizze dat it gas wer djoerder wurdt,
omdat de oalje minder streamt,
omdat de iene oarloch neamt
wat foar de oar terreur betsjut.

Neam net de oarloch, mar de streamen
yn natuerlik libben, enerzjy
foar minsken, sinne, wyn-en-dy,
dy’t frede bringe yn har dreamen.

Image

Se sizze dat de Gaustersyl natoer
noch hat, mar gasoansluting mist
en datst dêr libjend dea al bist,
dat sin en wille binne djoer.

Neam net de dea, mar wol it streamen
fan it gas út blanke tank sa mids
de blommen, sprekkend kompromis
en kamûflaazje oan de seame.

Image

admin

Klimme

Lyrysk Deiboek
PDF Print E-mail
It klimmen sit de minske yn it bloed:
de preekstoel foar it harkjend folk,
it oargel yn in noatewolk,
it lofliet op in hege wize,
de finsters spits as yn gotyk,
de hoanne nei it himelryk,
lit dan de skilder ek mar rize.

Image

De kleurebôge mei syn dûbelfoet
ferrize yn in reuzewolk
dy’t spielde oer de wetterkolk,
dy bôge klom nei in betsjutting:
de ierde waard in goed ûntwyk,
it minskdom soe tenei omlyk,
sa skreau de Skilder syn begrutting.

Image

De minske klom de ieuwen troch mei moed:
de wiisheid fan in Socrates,
it brein fan Aristoteles,
elk op syn eigen hege wize,
de kleare kleuren fan Vermeer
en noch safolle skilders mear,
lit dan dy iene ek mar rize.

Archieven

Zoeken

  • Categorie

  • Datum