Willem Tjerkstra’s thússide
admin

Hillich thús

Lyrysk Deiboek
PDF Print E-mail
Wat set de minske fêst
yn ’t ramt fan glês-yn-lead?
It is him eartiids leard,
it hillichst op syn bêst.

Image

It krús mei brutsen lea,
Jehannes en de mem;
noch ien kear klinkt syn stim,
dan rêst Er yn de dea.

Image

It swurd foar striid op striid
fan Paulus mei it Wurd,
hy wit wol hoe’t it wurdt,
as ’t ljocht snijt troch de tiid.

Image

De kaai yn Petrus’ hân
is neffens ’t himelsk slot,
beskikking fan it lot:
yn ’t ljocht of yn de brân.

Image

It byld rint troch de tiid,
ferstillet as in non,
besletten yn beton,
ien klik en ’t wurdt wer wiid.

Image

It opsteand hout fan ’t krús,
it swurd foar swaai op swaai,
de klik fan lins en kaai,
sjedêr ús hillich thús.

Image

Glês-yn-lead finsters yn de kapel op it rooms-katolike hôf yn Snits

admin

Tûkebult

Lyrysk Deiboek
PDF Print E-mail
Ut it tsjuster fan de iere moarn
ferriisde ’t riedsel fan in tûkebult
op bannen yn de grûn fersakke;
’t antwurd like yn de heap bestoarn,
gjin tûke dy’t my wizer makke.

Image

‘k Rûn werom nei ’t riedsel fan de keet
dêr’t lei foar ’t boargerdom sa kreas de skuld
hoe’t heechkultuer de grûn yn sakke:
troch in swiere skeet dwers foar de reet
dêr’t elkenien him mei fermakke.

Image

Ik bejoech my op ferbean terrein,
dat skuldich sloep ik nei de achterkant,
ferwachtsjend yn de lea de messen
fan in feest yn fjoer en reek ferflein,
mar ‘k seach oars net as lege flessen.

Image

Ut ‘e dize fan de earste skrik
ferriisde ’t blau mei earder wite brant
om âlderwetsk de bus te follen,
dan in flugge striker foar de fik
en ’t balte, boldere as bolle.

Image

Yn it ljocht fan letter op ‘e moarn
beseach ik ’t riedsel fan de keet syn kant:
fan ’t dreunen dwilich yn de holle,
troch de drank yn leechkultuer bestoarn,
ha tûken grif net brâne wollen.

Archieven

Zoeken

  • Categorie

  • Datum