Willem Tjerkstra’s thússide
admin

Rienk Ulbesz

Skûtsjesilen
PDF Print E-mail
Ut it skûtsje-argyf 1992

Image

De âldste fan heit Ulbe en mem Akke
hie gjin kâns mear yn de striid
fan ’t libben en fan ’t silen,
yn de winter wie ’t syn tiid,
dan kin men gjin oerwinning pakke.

Hy die syn eagen iepen op ‘e griene,
waard mei ’t skip ek kampioen,
koe grut en lyts wol stjoere*,
wie net oan in mjitte bûn,
hy stie bekend as Rienk, dy iene.

Behalve yn in achttal advertinsjes
kaam syn namme op it board
fan Ljouwert, as Rienk Ulbesz
sylde hy wer yn de float,
al wie it net mei sa’n pretinsje.

Image

* Yn 1969 waard Rienk Zwaga kampioen
mei it grutste skûtsje fan de float (Langwar),
yn 1979 mei it lytste, de Súdwesthoeke.

admin

Timpel

Lyrysk Deiboek
PDF Print E-mail
Image

Lit ús dwaan de hannen gear
yn ’t lânskip as in timpel
dêr’t de stâlen pylders binne
mei as kapitelen dragend wyt,
de himel sûnder wyn fan lear
en tongerslach as stimpel,
wol de geast fan lit ús hinne
gean sa as de timpel stiet.

De flierren binne klaaid mei ’t giel
fan strielen út ‘e hichte wei,
de wei is hillich foar de siel
dy’t wjukslacht as de iere hij.

Image

Hy hat siedde dat it aai
brekt út yn ’t jonge libben,
stimmen dy’t de grûn besjonge,
fûnemint fan dizze timpelsteat
dêr’t pylders rize út ‘e klaai
as dragers fan de ribben,
fierwei siedzjend ûnberonge
lykas god op boerepleats.

Archieven

Zoeken

  • Categorie

  • Datum