Willem Tjerkstra’s thússide
admin

It swarte skiep

Lyrysk Deiboek
PDF Print E-mail
Nederlânsk kampioenskip 16-m2 2008

It swarte skiep yn allerhande foarmen
sloech de earste dei foar master op,
net bûn oan kampioenskipsnoarmen
stiek er oeral op syn kweade kop.

Image

Hy stie de moarns op tsjillen op it droege,
wylst de oaren wiene al yn ’t wyt,
en hie syn kânsen al lang woegen:
swart, it krêftich weagjen wied er kwyt.

Image

Syn krêft lei yn de keunst fan ’t swarte,
magysk bearen mei min waar en wyn,
sa hat er oan de wolken hoarte,
brocht it grau en ek de gong deryn.

Image

De witen koene lykwols ’t swarte heine
mei de liken fan de fok en ’t seil
en al hoe skean se somtiids leine,
yn magy lei harren heechste heil.

Image

It swarte skiep wie earst net mear te finen,
mar ynienen liet er him wer sjen:
in skeinde skûte fan ’t ferline
hie de striid dy deis foargoed ferlern.

admin

Sânrûte

Lyrysk Deiboek
PDF Print E-mail
De hichte slacht it each op ’t gea
dêr’t gaos noch de oerhân hat,
in lânskip as ferwrotten lea;
de himel driget om wat bart
troch ’t sûgjen út ‘e djipte wei.

Image

Wat earder op ‘e see noch lei,
bewrotte him djip yn it lân
en stiek syn slurf fier yn de grûn;
hy sûget op it wiete sân
en spuit gaoatysk oant de jûn.

Image

Mar heger binne hjoed op wei
de bern, sy ha de oeren hân
fan wrotten tusken muorren yn;
har rûte slingeret nei it strân,
al swevend op fakânsjewyn.

Archieven

Zoeken

  • Categorie

  • Datum