Willem Tjerkstra’s thússide
admin

Nim Izaäk

Bibelbylden
PDF Print E-mail
fan Peter Paul Rubens*

De rop klonk foar de twadde kear,
al wer in kearpunt yn ’t bestean
fan Abraham, de man fan ’t hearren:
‘Nim Izaäk, dyn soan, en do silst gean,
wat jûn is, joust werom oan My, dyn Hear.’

De steapel stiennen leine klear
en dêrop stie in skaal mei fjoer,
it skrynde, want syn soan soe stjerre,
hy moast it nimme, joech him dêroan oer,
mar ûnder ’t slypjen fan it mes, die ’t sear.

Image

Opnij in rop, de tredde kear
dat hy folslein yn twivel stie,
omdat it oan hâldfêst mankearre:
‘Nim Izaäk, dyn soan, kom ta de die
en meitsje yn syn plak de raam mar klear.’

* Peter Paul Rubens (1577-1640)
Skilderij ‘It offer fan Abraham’

admin

Mear as minskewurk

Bibelbylden
Mear as minskewurk PDF Print E-mail
fan Giovanni Battista Tiepolo*

Image

It swalkjen frege hieltyd mear,
dêrby kaam noch de drege fraach
fan Ismaël: ‘Bin ik no skuldich?’
It tempo sakke, waard úteinlik traach.
”t Is minskewurk, myn fint, it komt wol klear.’

It brea wie op, de krûk al leech,
dêrby kaam noch syn eachopslach,
sy fielde har as mem no skuldich,
hy joech him del, mar sy moast wêze wach:
‘Myn wurk, hear fint, al is it noch sa dreech.’

It wie as waaide it har oan,
dêrby kaam noch in kleare stim:
‘Oerein, wa hat it no oer skuldich?’
En Hagar stiek de hân út, seach syn glim:
”t Is mear as minskewurk, kom op, myn soan!’

* Giovanni Battista Tiepolo (1696-1770)
Skilderij ‘Hagar en Ismaël yn de woestyn’

Archief

Zoeken

  • Categorie

  • Datum