Willem Tjerkstra’s thússide
admin

Romeinske frede

Skiednisbylden
PDF Print E-mail
fan Ferdinand Bol*

Nei de eed op ’t swurd fan Claudius
begûn de striid tsjin de Romein:
de Batavier teach by de Ryn lâns,
syn rivier, in binnenkâns,
brocht trije legioenen op ien ein.

Claudius waard droegen op it skyld
as held fan de Bataafske Ryn,
doe fierderop, sa by de Waal lâns,
rekke ’t leger út balâns
en útinoar fanwege Romes wyn.

Image

Ien tsjin ien, gjin frede sûnder praat:
Romeinen binne net sa min,
se rinne by de Batavier lâns,
want dy kriget noch in kâns
yn ’t legioen, úteinlik syn gewin.

* Ferdinand Bol (1616-1680)
Skilderij ‘Fredesûnderhanneling tusken
Claudius Civilis en Cerialis’

admin

Claudius Civilis

Skiednisbylden
PDF Print E-mail
fan Rembrandt*
fan Otto van Veen**

Hy tsjinne yn ’t Romeinske leger,
Claudius, de grutske Batavier,
foar keizer Nero yn it spier,
syn biedwurd wie: mei striden heger!

Doe kaam de kear yn ’t hege libben:
Claudius waard oansjoen foar in die
tsjin keizer Nero, heechferrie,
syn biedwurd waard: ik ha goed stribbe!Doe kaam er mei syn eigen leger
foar ’t fizier as grutske Batavier,
hy hie oan de Romein it mier,
syn biedwurd wie: mei striden heger!

Image

Yn ’t hillich wâld liet hy har komme,
fûle striders mei it skerpe swurd,
se swarden mei it steile wurd:
‘Foar Claudius fan tean oant tomme!’

Hy wie de haadman fan syn leger,
Claudius, de grutske Batavier,
mei ’t ritueel fan ’t knipte hier,
syn biedwurd wie: mei striden heger!

Image

* Rembrandt (1606-1669)
Skilderij ‘De gearspanning fan Claudius Civilis’

* Otto van Veen (1557-1629)
Skilderij ‘Civilis lit it hier knippe’

Archief

Zoeken

  • Categorie

  • Datum