Willem Tjerkstra’s thússide
admin

Oeral-boarne

Lyrysk Deiboek
PDF Print E-mail
It binne swalkers, altyd ûnderweis
om brokken dy’t neat weage,
dochs ferwurke wurde, yn de geast
ta middel makke foar de reis
nei witwêrhinne…
ik bin wiis mei beide eagen.

Image

Ik seach se lizzen op ‘e earste dei
gewoanwei op ‘e strjitte,
kleure brokken, út ‘e fleur fan geast
de hichte yn, mei bocht en draai
nei witwêrhinne…
eagen kinne soks net litte.

Image

Noch yn de skimer heinde ik it ljocht
op fan de folle moanne,
rûne ynspirator fan de geast
op reis, net fierder as ik tocht,
‘k wist doe wêrhinne:
swalkjend nei de oeral-boarne.

admin

Wol farre

Lyrysk Deiboek
PDF Print E-mail
De ‘Hoop op Wolfeart’ leit bewuolle
yn de snie, de swurden heech,
om’t iis it skip yn de besnijing hat,
te ier, it rom is noch net leech,
fan hoop op wolfeart doocht gjin spat,
dy is alhiel ta iis bekuolle.

Image
Foto út ‘Lemster skûtsje’
troch Klaas Jansma en Marten Sandburg

De Snitser Pan is rynsk ferljochte
troch op ’t dek de snie, foar sier
it seilplan en ’t ferneamde stedssymboal,
gjin swurd en roer om foar yn ’t spier,
it skipsfolk leit noch yn it hoal
en dreamt, foar moarn teiwaar berjochten.

Image

Gjin skûtsje is foar iiswaar makke,
kriget foar de sier gjin priis,
wurdt simmers sierd mei seil en roer en swurd
en wol dan farre, eigenwiis,
want hoopje hoecht net, ’t giet om hurd
en ien foar ien de oaren pakke.

Image

Archieven

Zoeken

  • Categorie

  • Datum