Willem Tjerkstra’s thússide
admin

Dûbele brân

Skiednisbylden
PDF Print E-mail
fan ûnbekend*

Nei twaentachtich dagen
riisde Moskou foar de keizer op,
in stille stêd, der wie gjin kop
en ek gjin folling foar de mage.

De twadde haadstêd wiisde
op in sege sûnder rynske bút,
de leechte gniisde achter ’t rút
fan ’t Kremlin, wat de kop fertiisde.

Image

De koppen draaiden nei de
brannen, lôgjend yn de hiele stêd,
de flammen rekken mar net sêd,
sadat de hoanne dagen kraaide.

De keizer waard grimmitich,
seach de fiere takomst donker yn,
in winter sûnder sinneskyn
soe komme oer in dei of tritich.

En doe’t it Kremlin gniisde
om de keizer út it fiere lân,
stiek hy de tuorren yn de brân,
wat op in dûbel needlot wiisde.

Image

* Yllustraasje ‘Moskou yn de brân’
Yllustraasje ‘Napoleon giet út Moskou wei’ 

admin

Oer ferskroeide ierde

Skiednisbylden
PDF Print E-mail
fan Louis Lejeune*

It gie foar wûnder oer de grins
fan Ruslân mei in legermacht
fan sân kear hûnderttûzen;
gjin Rus hold by de grins de wacht,
gjin Frânsman tocht: dit spul hat lûzen.

It gie wat minder as de winsk
wie fan de generale stêf:
de leechte fan de ierde,
ferskroeid en feal, wie as it grêf,
hie oan gjin Frânsman wat te bieden.

It gie nei Moskou, sûnder mis,
mei mûlen smachtsjend fan de toarst,
dy’t sloarpen giftich wetter;
de lea ferskroeiden fan de koarts,
de tiid rûn troch, ’t waard stadich letter.

It gie net sûnder fûle striid
by Borodino, skot nei skot,
in fjildslach as de tonger,
de Rus hold iepen ’t Frânske lot,
it gie op Moskou oan mei honger.

Image

* Louis Lejeune (1775-1848)
Skilderij ‘Slach by Borodino’

Archieven

Zoeken

  • Categorie

  • Datum