Willem Tjerkstra’s thússide
admin

Unbekend

Skiednisbylden
PDF Print E-mail
fan William Turner*

Sy wisten fan gjin doel of ein,
bestimming ûnbekend,
as grûn en dak it dek,
dêroan al wiken wend,
mar net oan ‘ik wurd slein
en moarn miskien wol gek’.

Image

Sy wisten fan gjin stoarm op see,
lit stean fan in tyfoan,
se misten grûn en dak;
der wie gjin wennen oan
de jammerklacht fan nee…
wêr wie oan board noch plak?

Sy wisten net wat better wie:
it doel of mar de ein
fier fuort fan eigen grûn;
sy waarden pakt en slein,
gjinien wist wa’t it die…
bestimming… wie dy fûn?

* William Turner (1775-1851)
Skilderij ‘Slavehannelers smite de deaden
en stjerrenden oerboard; in tyfoan komt tichterby’

admin

Gjin gelyk by Malplaquet

Skiednisbylden
PDF Print E-mail
fan Anthonius Brouwer*
fan Jan van Huchtenburg**

Jan Willem Friso, noch in puber
doe’t er yn it Steatske leger kaam,
dreamde him it libben ryk,
woe moedich wêze foar in faam,
it leafst net as takomstich lyk.

De machtigen, al lang folwoeksen,
makken gading nei de Spaanske troan,
dream fan ’t aldergrutste ryk,
it gie al wer op oarloch oan,
soldaten hiene gjin ûntwyk.

Image

Jan Willem Friso, al goed tweintich,
hie it brocht ta Steatske generaal,
wist fan: dit is oare kost;
hy spriek fan moed yn kleare taal:
‘Myn maten, hjir is jimme post!’

De machtigen, noch net folwoeksen
yn de geast, ha net de deaden teld,
Jan Soldaat hie gjin ûntwyk;
gjinien sprekt noch fan moed of held…
wa hie yn Malplaquet gelyk?

Image

* Anthonius Brouwer (1827-1908)
Skilderij ‘Jan Willem Friso yn de slach by Malplaquet’

** Jan van Huchtenburg (1646-1733)
Skilderij ‘Slach by Malplaquet’

Archief

Zoeken

  • Categorie

  • Datum