Willem Tjerkstra’s thússide
admin

Stim god!

Polityk

fan ûnbekend*

Wylst de stimmen binnen komme,
klinkt de stim fan Ruslâns god:
‘Ik bin de hear dy’t myn folk liedt
op wegen dy’t ik wize sil,
wa’t my net folget, wurdt ferdomme!’

Wylst de stimmen binnen streame,
sprekt de militêre god:
‘Ik bin de hear sa’t it no giet
mei noch mear wapens nei myn wil,
wa’t my net folget, wurdt ôfseame!’

Wylst de folgers massaal stimme,
sprekt de tirannike god:
‘Ik bin de hear dy’t jim ferbiedt
om op te sprekken, dus wês stil,
wa’t no net swijt, sil ’t fluch fernimme!’

“Foto ‘Poetin’



admin

Farao as krokodil

Bibelbylden

fan ûnbekend*
Ezechiël

De Hear seit oan de farao:
Do leist as grutte krokodil
yn de earmen fan de Nyl,
dêrsto de baas oer spilest,
fisken klibje oan dyn skobben,
heakken krijsto yn de bek,
do wurdst de Nyl út hyst
en de woestyn yn slingere,
op it drûge sân leist dwyl
dyn libben te ferliezen,
wurdst net oppakt, fuortbrocht,
troch gjinien wurdsto bedobbe,
bist in deade krokodil,
foar bist en fûgel wurdst ta foer,
wêr is dan noch de hearskers wil?

De Hear seit oan Egypte:
Fjirtich jier leisto derhinne
as in grutte wyldernis,
dêr’t sels gjin dieren binne.

De Hear seit noch as lêste:
Nei de fjirtich lege jierren
komt Egyptes folk werom,
it is troch ’t lot beswierre.

* Foto ‘Krokodil’




Archieven

Zoeken

  • Categorie

  • Datum