Willem Tjerkstra’s thússide
admin

Op in sneintemoarn

Skiednisbylden

fan ûnbekend*

Wa heart yn Londen noch it lûd
fan de V2, ‘Vergeltungswaffe’
fan de nazi’s, deadlik nei de flecht
foar njoggentûzen boargers…
hear de hûnen blaffen.

Wa heart yn Kiev net it lûd
fan de raketten om te straffen
nazi’s neffens ’t Kremlin, mar net echt,
sa wurde boargers troffen…
hear de hûnen blaffen.

Wa heart yn Snits it hege lûd
fan de sirene? Hûnen blaffe,
dowen wjukje klappend op ’e flecht,
mar alles went, want boargers
lizze lang te maffen.

* Foto ‘V2-raket’

admin

Holle dommens

Polityk

fan ûnbekend*

Holodomor,
Oekraynske hongersneed,
sa wie ’t belied fan Stalin,
genoside trof ’t ûnskuldich folk,
miljoenen deaden nei lang leed.

Holocaust,
net te leauwen al dat leed
troch pogroms en yn kampen,
genoside trof ’t ûnskuldich folk,
miljoenen deaden oan ien gleed.

Holy dominance**,
hillich is de hongersneed
as faktor yn de oarloch
tsjin Hamas en it ûnskuldich folk…
hoefolle binne der yn need?

Holle dommens
dat mynhear de presidint
fan Israel yn oarloch
tsjin Hamas en it ûnskuldich folk
hat him yn hjoed de dei fersind.

* Foto ‘Holodomor’
** Oerhearsking



Archieven

Zoeken

  • Categorie

  • Datum