Poseidon

fan ûnbekend*

Poseidon, soan fan Kronos,
waard opfretten troch syn heit
en rêden troch broer Zeus,
wat alles oer de goaden seit:
as goede god en wrede reus.

God fan de see en ierde,
letter inkeld fan de see,
hy hie in trijetosk
as wapen, foar syn wraaksucht ree,
syn dwaan wie as in tizebosk.

Hy die it mei mear froulju,
kriich by har de frjemdste bern:
in fjochter mei de fûst,
in famke om net oan te sjen,
syn dwaan wie altyd like woest.

Hy sette oan ek hynders,
dêr’t er troch de loft mei ried
om oer de see te sjen,
de weagen songen dan it liet:
‘Wy bliuwe god Poseidons fan.’

* Byld ‘Poseidon’