Phryne

fan Jean-Léon Gérôme*

As flechtling kaam sy yn Athene,
moaier dame wie der net,
sy ynspirearre mannich keunstner,
libbe faak net nei de wet:
‘hâld it lichem frij fan geunsten’.

Sadwaande moast sy yn de rjochtbank
komme, rjochters by de fleet;
har advokaat ûntbleate ’t lichem,
kriich sa al dy manlju beet
by wat oars as har gewisse.

Dat Phryne hoegde net te flechtsjen,
moaier útsicht wie der net
doe’t sy mei Eros troch Athene
rûn, net bûn mear oan de wet,
elke man koe sy doe winne.

* Jean-Léon Gérôme (1824-1904)
Skilderij ‘Phryne foar de Areopagus’