Willem Tjerkstra’s thússide
admin

Phokion

Mytebylden

fan ûnbekend*

Athene wie de bertestêd
fan Phokion en fan Demosthenes,
de iene pleite foar de frede,
de oare fjurre oan ta striid,
ferlern gie ek de rede.

Athene bleau troch Phokion
behâlden út respekt foar syn persoan,
syn dwaan en litten wie ynteger,
it folk lykwols rûn oer fan niid,
ferslein wie ’t eigen leger.

De skuld kaam del op Phokion,
hy hie it mei syn fredestoan bedoarn
en moast de beker gif opdrinke;
syn moed waard eare wiid en siid…
om no noch te betinken.

* Búste ‘Demosthenes’

Related Posts

Archief

Zoeken

  • Categorie

  • Datum