Willem Tjerkstra’s thússide
admin

Admetos en Alkestis

Mytebylden

fan Frederic Leighton*

Admetos en Alkestis,
nei de dea wer man en frou,
sy naam it plak yn fan har man,
dy’t stjerre moast, hy kaam yn ’t nau.

Admetos,
foarst fan Pheres’ keninkryk,
Apollo hoede trou syn fee,
in god en freon foar him allyk.

Apollo
soarge foar Alkestis’ hân,
sadat sy waard Admetos’ frou,
de brulloftsfreugde hold gjin stân.

Artemis
moast it sûnder offer dwaan,
fergetten troch de brêgeman,
as straf soe sy him slangen jaan.

Slangen
as it teken fan syn dea,
behalve as in oar foar him
joech oan it deaderyk de lea.

Alkestis
wie oant yn de dea him trou,
mar koe nei ’t libbensryk werom,
sa waard sy wer Admetos’ frou.

* Frederic Leighton (1830-1896)
Skilderij ‘Hercules wrakselet mei de dea
om it lichem fan Alkestis’    

Related Posts

Archief

Zoeken

  • Categorie

  • Datum