Willem Tjerkstra’s thússide
admin

Koar en solo

Lyrysk Deiboek


Se hâlde ôfstân fan elkoar,
de blauwe reager en de ree
fanwege grut ferskil fan aard,
mar ek om’t sy solistysk binne,
gjin leden fan in koar.

Sy draaie tagelyk de kop
en stimme dêryn wol wer mei,
nijsgjirrich nei wat boppe bart,
se harkje nei wat sy net kinne,
it protterliet klinkt op.

It koar sjongt fan in nije dei
foar elkenien dy’t sjonge kin,
’t ferskil giet no fan leech nei heech,
bas of sopraan, de ree en reager,
sy dogge solo mei.

Related Posts

Archief

Zoeken

  • Categorie

  • Datum