Willem Tjerkstra’s thússide
admin

Grienedyk yn de mist

Lyrysk Deiboek

De Grienedyk, al iuwen âld,
hat eartiids hege weagen keard
en alle soarten waar trochstien,
wie oan de minsken trou as maat,
mar hoe’t it komt mei it klimaat?

De moarn begûn mei tichte mist,
sadat it sicht beheind wie op
de dyk, dy’t eage minder grien,
wat tsjin de namme, ek tsjin ’t aard
is… hoe’t it komt mei it klimaat?

Mar witer as de mist wie ’t krûd,
dat fluite oer de moaie dei,
as hie de dize net bestien:
de Grienedyk stiet op ’e kaart
as warber foar in goed klimaat.

Related Posts

Archieven

Zoeken

  • Categorie

  • Datum