Flitsende ingel

Blau flitsend fljocht er oan
as fûgel tusken wolk en wetter,
oan in ingel hast gelyk,
hy bringt in flits fan ’t paradys,
’t ferlerne ryk.

Ferskûle yn  it grien
fan hoop op letter justjes better,
skinkt er dochs syn glâns
oan wa’t de eagen iepen hat…
unyk dy kâns.

It giet sawat wer oan:
de wjuk wurdt spraat, net folle letter
sjit er út it grien
fan hoop, de flits fan ’t paradys
is fluch wer gien.