Willem Tjerkstra’s thússide
admin

Striidbere evangelisten

Keunst

fan Diego Rivera*

Kom op, lit ús beskaving bringe
oan de yndianen yn dit lân
mei ôfgodstimpels fol mei goud,
it evangeelje komt der dan op ta,
’t is oan de pryster tafertroud,
oan ús de wapens, tanke Leave Hear!

Kom op, oan ’t wurk, jim luie slaven,
pak de skeppe, graaf jim eigen grêf,
jim ha fergees jim timpels boud,
it evangeelje komt no op jim ta,
’t is oan de pryster tafertroud
om jim fertroud te meitsjen mei ús Hear.

Mar nee, sjedêr, ’t is net te leauwen
wat de pryster mei syn krúske docht,
hy hâldt it ús foar, ja ferdomd,
as wiene wy oan penitinsje ta,
sjoch hoe’t syn hân op ’t skouder komt
fan ’t slavebern, tsjin ’t boadskip fan ús Hear.

* Diego Rivera (1886-1957)
Skilderij ‘De Spaanske ferovering fan Meksiko’



Related Posts

Archief

Zoeken

  • Categorie

  • Datum