Willem Tjerkstra’s thússide
admin

Stillibben

Keunst
PDF Print E-mail
fan de Flaamske Skoalle*

Image

Wat binne boeken oars as wiisheid
dy’t mei troch ’t libben giet,
de skaal en kanne as de boarne
dy’t suver wetter biedt
en as it stof is fan de hannen,
drinkt de wite doek it wiet.

En achter alle symbolyk
dêr is Marije noch te sjen
mei op ‘e earm it bern,
de wrâld te ryk.

Image

Wat libbet oan in laptop stil
fan wiisheid, faak net oan te sjen;
in crash en ’t giet ferlern,
de flok is skril.

En achter ’t ynstrumint leit Bethel
fan doper Bottenbley
mei beide fuotten yn de boarne
fan suver wetter, rij
foar pubers wrâld te ryk, de hannen
bûn, beklaaid mei Bethels pij.

Image

* In Flaamske skilder út ‘e fyftjinde ieu
hat it panieltsje mei boeken, skaal, kanne
en handoek makke.
It is 24 by 21 sintimeter lyts.
De symbolyk ferwiist nei it skilderijke
op ‘e achterkant mei Marije en bern.


Related Posts

Archief

Zoeken

  • Categorie

  • Datum