Willem Tjerkstra’s thússide
admin

Oanfolling

Keunst

fan Juan Gris*

Sjoch no wat ik hjir doch
mei tafel, boek en krante,
se steane skean of foar in part,
sa’t ik it foar mysels besjoch,
men kin it skôgje fan mear kanten.

Sjoch do it fan dyn kant,
dan kinst der mear fan meitsje
as ik der hjir fan makke ha;
dyn fantasy moatst brûke, want
dan silst it hert fan minsken reitsje.

Doch do wat yn de skaal,
yn ’t glês kinst ek wat jitte,
dyn eigen foarkar foar myn part,
dan skriuwst yn ’t boek in blau ferhaal
en wolst wat út ’e krante witte…

… jou sels oan wat noch wearde hat.

* Juan Gris (1887-1927)
Skilderij ‘Fruitskaal, boek en krante’

Related Posts

Archief

Zoeken

  • Categorie

  • Datum