Feroare

fan Jacob Backer*

Hy wie noch jong, hie krollich hier
en brune eagen dy’t fier seagen,
lippen meastal faninoar
foar praatsjes rûnom hinne,
ek om yn te nimmen drank of bier.

In folle flesse gie deryn
yn lege oeren, ’t wie gjin leagen;
meastal kriich er ’t foar elkoar
om noch rjochtop te rinnen,
mar ferrek, der siet gjin drip mear yn.

Doe’t hy al âld wie, mei ’t hier griis
en eagen dy’t hast neat mear seagen,
mei de lippen opinoar,
wat soe er oars noch kinne
as himsels te sjen, tichtby… en wiis?

* Jacob Backer (1608/1609-1651)
Skilderij ‘De drinker’
Skilderij ‘Alde man mei spegeldiggel’