Willem Tjerkstra’s thússide
admin

Dûbel sjen

Keunst

fan Albrecht Dürer*

Hjir lit ik jimme sjen
dat de eagen rjochte binne
op ’e fierte en nei binnen
tagelyk, sa’t ik no kin.

Doe moast ik as in bern
harkje, muorren om my hinne
hawwe ’t útsicht lang benommen,
no lit ik my dûbel sjen.
 
Nei bûten sjoch ik fier
om in yndruk op te heinen
fan de wrâld, want alle fromme
praatsjes lizze my te swier…

… yn ’t inerlik, dat rom
wêze moat foar wat fan bûten
komt, dus lit gjin yndruk rinne,
hâld him fêst, kear jim dan om…

… en sjoch my oan, ik lit
dúdlik sjen wat jim ek kinne.

* Albrecht Dürer (1471-1528)
Skilderij ‘Selsportret’

Related Posts

Archieven

Zoeken

  • Categorie

  • Datum