Willem Tjerkstra’s thússide
admin

Bleate jonkfrouwen

Keunst

fan Richard Mauch*

De jonkfrou yn har moaiste toai
liet de eagen oer it striidfjild gean,
dêr’t hynders mei it skom dik op ’e bek
al trappelen foar it toernoai.

De ridders strieden foar de ear
mei in eachopslach as fan in earn,
de jonkfrou seach de winner by it stek,
de ridder wie foar har in hear.

Mar yn de dream rint it wol oars:
stap foar stap giet it op froulju ta,
dy’t yn it neaken dûnsje op it grien,
it kleed is read lykas in roas.

De ridder hat in romme kar,
wol fansels de alderkreaste ha,
hy sjocht har op ’en paad, mar dan is ’t dien,
want nei de dream is ’t yn de war.

* Richard Mauch (1874-1921)
Skilderij ‘De dream fan de ridder’

Related Posts

Archieven

Zoeken

  • Categorie

  • Datum