Willem Tjerkstra’s thússide

Archive for the Wrâldbylden category

admin

Filmstêd

Wrâldbylden

fan ûnbekend*

Aït-Ben-Haddou, de stêd
dêr’t mannich karavaan
de hannel brocht ta grutte hichte,
strielet no noch it ferline út.

Stêd dy’t mei de skiednis rêdt
yn searjes en yn films,
bringt hiel de wrâld no op ’e hichte
fan ferhalen út ’e Bibel wei.

Soms ferfart út Israel
in stêd nei de woestyn,
dêr’t moslims Allah noch heechachtsje,
fan in produsint komt sa’n beslút.

Kristus komt dan op bestel
nei Aït-Ben-Haddou
op godsbesite by Mohammed
om te praten oer de goede wei.

* Foto ‘Aït-Ben-Haddou yn Marokko’

admin

Ierdsk paradys

Wrâldbylden

fan ûnbekend*

De hiele ierde op ien plak,
dat slagget sels net yn it lyts
mei stêden, bergen, oseanen,
mar Chiang Mai bea ûnderdak
oan lju mei each foar wat wol koe.

Sy kamen út ’e hiele wrâld
mei plannen foar in grut projekt
fan tunen út wol tritich lannen
yn Chiang Mai yn mannichfâld:
de hiele ierde op ien plak.

Noch altyd groeit en bloeit it dêr,
de hiele ierde yn it lyts,
model foar ’t nije hof fan Eden,
dêr’t gjin plak is foar ferdjer,
Chiang Mai, it gea fan wat en hoe.

* Foto ‘Chiang Mai, Tailân’


Archieven

Zoeken

  • Categorie

  • Datum