Willem Tjerkstra’s thússide

Archive for the Skiednisbylden category

admin

Summerhill

Skiednisbylden

fan ûnbekend*

De heuvel dêr’t de simmer
trochrûn troch it hiele jier
foar bern om grut te wurden
sûnder twang fan wurd en stok…
se kamen withoefier.

De lytse Alexander
koe net oer de stok en ’t wurd,
oantaasting fan it wêzen
fan it bern yn broek of rok…
sa kaam it yn de put.

Hy waard ûntspannen master,
freonlik pratend mei de bern,
syn wurd brocht dissipline
sûnder twang, fuort mei de stok!
Sa gie gjin bern ferlern.

Fan him kriich ’t bern de frijheid
om te learen nei syn aard,
mei master koe it lêze
en ek skriuwe, wat in lok…
de master as syn maat!

* Foto ‘Alexander Sutherland Neill’

admin

Lowell H. Smith

Skiednisbylden

fan ûnbekend*

Hy socht altyd de hichte op
en fleach as fûgel troch it swurk
om oeral oan te kommen,
dus bleau hy op ierde net sa’n skoft,
foel nea as bakstien út ’e loft.

De ierde rûn, syn ideaal,
beskôge hy as ’t hege wurk
om ’t eachweid te ferromjen:
fan Amearika, foarby Japan,
wer nei de startbaan wie syn plan.

Hy fûn op ’t hynder wat er socht:
ûntspanning foar de lea en geast
om efkes by te kommen;
fan dy hichte foel er op ’e grûn,
in langer flecht waard him net jûn.

* Foto ‘Lowell H. Smith’

Archief

Zoeken

  • Categorie

  • Datum