Willem Tjerkstra’s thússide

Archive for the Skiednisbylden category

admin

Goatyske boereminsken

Skiednisbylden

fan Grant Wood*

Kin yn it lân fan dream en winsken
wol in keunstner opstean dy’t weromgiet
nei de âlde wrâld fan de gotyk?
Grant Wood hat net oars winske
as de dream dy’t útkomt by it ryk
fan boer en de boerinne.

Se steane as twa sljochte minsken
foar de buorkerij en yn foar ’t wurkjen
oan in nije wrâld as har replyk
op wat gotyk earst winske:
nei de hichte stribje… út it slyk
troch boer en de boerinne.

It slyk is troch har skreppen drûge,
fruchtber wurden, grûn om nei de hichte
ta te rikken, oan gotyk gelyk;
gjin hichte foar’t der ploege
is, de risping makket dûbel ryk
de boer en de boerinne.

* Grant Wood (1891-1942)
Skilderij ‘Boer en boerinne’
Skilderij ‘Boer en boerinne by de ploech

admin

Heil Wall street

Skiednisbylden

fan ûnbekend*

It oandiel dat de wrâld behearsket,
giet earst hinne, komt dan wer,
lykas ’t ferkear op Wall Street sjen lit,
’t rekket minsken, allegear.

Panyk fiert rap nei ekstremisme:
bring de ropper oan de macht,
omdat hy ús de takomst sjen lit,
op ’e naasje slacht er acht.

Syn oandiel riist, want hy behearsket
’t wurd dat opropt ta de striid
om muorren fan dy oar te sljochtsjen,
foar syn folk is ’t útsicht wiid.

Dat Wall Street liedt ta ekstremisme,
lit de folkske lieder sjen
troch falsk de hege noarm te sljochtsjen,
winst giet yn in dei ferlern.

Foto ‘Wall Street’

Archieven

Zoeken

  • Categorie

  • Datum