Willem Tjerkstra’s thússide

Archive for the Skiednisbylden category

admin

Le Corbusier

Skiednisbylden

fan ûnbekend*
fan Le Corbusier**

Le Corbusier, syn nije namme,
kaam út syn ferline wei,
op grûn fan dy fan beppe
boude hy foar it takomstich skaai.

Fan Switserlân nei oare lannen,
oeral fûn er wat hy socht:
de keunst om op te skeppen,
wat him yn Parys, de ljochtstêd, brocht.

Hy hat de wite wenning skôge
oan de Middellânske See,
noch yn de styl fan beppe,
wat er waarnaam, sette by him stee.

It kaam wer los op skilderdoeken:
foarmen altyd like krekt,
hy koe ferskillend skeppe,
waard it meast ferneamd as arsjitekt.

Le Corbusier, syn nije namme,
bleau net altyd like skjin,
wat lei net oan syn beppe:
’t nije wie net nei it âlde sin.

* Foto ‘Le Corbusier’
** Fila ‘Notre Dame du Haut’

admin

Wettertichte Rolex

Skiednisbylden

fan ûnbekend*
fan ûnbekend**

Gjin better stof as wetter,
stof dat oeral hinne floeit,
sels troch de nauste naden,
mar dat is der fier by troch
wannear’t de tiid de swimster boeit.

Gjinien koe as Mercedes
Gleitze swimme, oer ’t Kanaal
swom sy har út ’e naden
mei in Rolex om de pols,
dy’t tikjend trochrûn, haal nei haal.

In dûbele oerwinning,
swimmend en ek wetterticht,
in klokje sûnder naden
reizge mei Mercedes troch
de tiid… in autentyk gesicht.

* Yllustraasje ‘Mercedes Gleitze mei Rolex’
* Yllustraasje ‘Wettertichte Rolex’

Archief

Zoeken

  • Categorie

  • Datum