Archive for the Skiednisbylden category

Sân steaten strieden tsjin de iene;
it Frânske leger, dat
yn ’t middelpunt fan Dútslân stie,
kriich net de oerhân op ’t komplot…
Europa wie dy deis feriene.

By Leipzig foelen de sân steaten
it Frânske leger oan,
in striid fan njoggen oeren lang;
‘Napoleon moat fan de troan!’
Kanonnen dy’t dat wyske skeaten.

It iene folge op it oare:
Napoleon ferslein,
mar syktes foelen noch fûl oan;
oan mannich libben kaam in ein,
de oarloch hie noch mear feroare.

* Vladimir Moshkov (1792-1839)
Skilderij ‘Slach by Leipzig’

It gie werom op Frankryk oan
mei snie dy’t oer de flakte jage,
wylst Kozakken foelen oan mei fjoer;
de Frânsman hat it doe bestoarn,
want bleat koe hy gjin kjeld ferdrage.

De Rus hie iten by de fleet,
de Frânsman rûn mei lege mage,
brette kat en hûn op ’t wiffe fjoer;
Napoleon hie ’t ek net breed:
in gifpil by de lêste fragen.

De Berezina kaam yn sicht,
rivier om stadich oer te stekken,
wylst Koetoezov foel fûl oan mei fjoer;
de Nederlanner die syn plicht,
mar koe de oanfal ek net brekke.

Napoleon kriich it berjocht
dat yn Parys wie revolúsje,
op ‘e nij in rop nei lôgjend fjoer;
de keizer hie noch net syn nocht,
dus yn de takomst wol fidúsje.

* Adolf Northern (1828-1876)
Skilderij ‘Napoleon giet út Moskou wei’

** January Suchodolski (1797-1875)
Skilderij ‘Napoleons oerstek fan de Berezina’