Willem Tjerkstra’s thússide

Archive for the Skiednisbylden category

admin

Frije Universiteit

Skiednisbylden

fan ûnbekend*
fan ûnbekend**


Kaam ynspiraasje fan it bier
dat Willem Hovy broude?
Hy wie ien fan de universiteit,
de frije, dy’t se bouden.

Ek Kuyper kaam dêrfoar yn ’t spier
mei Abraham as namme,
dy’t tsjûge fan in ropping, âlde heit
fan hûndert, net beskamme.

De Frije Universiteit
waard mei in opdracht stichte:
it ljocht fan Kristus skynt troch elk domein
en fiert sa nei de hichte.

Dy grûnslach wie in ieu in feit,
mar sekularisaasje
hat Abraham syn roppingswei ferlein
nei ’t roppen om mear faasje.

* Logo VU
** Boarstbyld ‘Abraham Kuyper’

admin

Keninginne Sophia

Skiednisbylden

fan ûnbekend*
fan ûnbekend**

sophia-1

In dame foar emansipaasje,
dat wie keninginne Sophia
fan Russysk-Dútsk komôf,
sy moast nei ’t lege lantsje ta,
de Nederlânske naasje.

In houlik dûbel arranzjearre,
want de heiten woene it sa ha,
de trou fan neef en nicht;
’t wie net de kar fan Sophia,
sy tocht doe al oan stjerren.

Har libben wie de muoite wurdich
mei ferskate keunstners rûnom wei,
se seach de brief as plicht,
fan grutte skriuwers wie se wei,
har man fûn se balstjurrich.

Fan bêd en tafel jierren skieden,
liet de kening*** Sophia mei rêst,
sy joech har net mear ôf
en die de troujurk oan op ’t lêst:
dy dei koe har neat biede****.

sophia-2

* Staasjeportret ‘Keninginne Sophia’ (1863)

** Foto ‘Keninginne Sophia’ (1870)

*** Kening Willem III

**** Utspraak: ‘Myn libben einige al op myn troudei’

 

Archieven

Zoeken

  • Categorie

  • Datum