Willem Tjerkstra’s thússide

Archive for the Skiednisbylden category

admin

Op ‘e loop

Skiednisbylden

fan ûnbekend*

It hat wat fan in rage
sa’t sy steane op ’e loop,
dy’t har maklik hâlde kin,
se gean foar nimmen op ’e loop…
dy hâlding is mar kamûflaazje.

Ha sy de wrâld yn flammen
sjoen of witte sy noch net
wat meikoarten barre sil?
Klear leit it kamûflaazjenet,
west hat it ôfskie fan de fammen.

Lit bolderje kanonnen
mei it boadskip fan it fjoer
dat fan binnen yn ús brânt;
de fijân sjocht it lôgjend fjoer,
wy ha de sege al yn hannen.

It hat wat fan posearjen
fan soldaten mei de moed
om te stjerren yn de striid,
mar wat ek wâlet yn it moed,
is wat sy leaver kamûflearje.

* Foto ‘Posearje op ’e loop’

admin

Winteroarloch

Skiednisbylden

fan ûnbekend*
fan ûnbekend**

De Russen en de Finnen
rekken yn in fûle striid,
reus Goliat en David,
middenyn de wintertiid.

Wol fjouwer kear safolle
Russen stjitten op ferset
fan Finnen mei rindieren,
fan ek skys wie grut ferlet.

Twahûndert kear safolle
tanks, wat koene dy tsjin skys?
Skys woene better glide,
mar de kimen eagen griis…

… fan oermacht fan de Russen,
fleanmasines kamen oer,
wol achtentrichtichhûndert,
hûnderttritich dêr foaroer.

De Finnen hisen flaggen
as symboal fan harren moed
as David, Goliat wûn,
mar ferlear it measte bloed.

* Foto ‘Striid op skys en mei rindieren’
** Foto ‘Flagge as symboal fan moed’

Archieven

Zoeken

  • Categorie

  • Datum