Willem Tjerkstra’s thússide

Archive for the Skiednisbylden category

admin

Frederik Hendrik

Skiednisbylden
PDF Print E-mail
fan Michiel van Mierevelt*

Image

Dêr stiet er, Frearik,
soan fan Willem van Oranje,
Maurits’ jonge broer,
yn ’t harnas mei wat franje,
as steatsman oan it roer.

Mar ’t leafst mei ’t leger
yn de striid tsjin fijân Spanje
foar in eigen ryk,
want rykdom wie mar franje
en wat dan polityk?

Gjin striid om ’t leauwe:
wa’t it roer hâldt yn de midden,
stjoert foar elk syn rjocht;
foar steat en leger bidde,
dan is oan alles tocht.

* Michiel van Mierevelt (1567-1641)
Skilderij ‘Portret fan Frederik Hendrik van Oranje’

admin

Johan van Oldenbarnevelt

Skiednisbylden
PDF Print E-mail
fan Charles van Wijk*
fan Simon Opzoomer**

Heit en soan ferskilden nacht en dei,
de heit de keap, Johan it rjocht,
de heit de drank, de soan de toarst
nei kennis fan de politike wei.

Yn de frijheidsstriid seach Johan ljocht
en tsjinne ’t lân as advokaat,
kaam sa yn ’t sintrum fan de macht
en hat de politike ienheid socht.

Image

Heit en soan, sa wiisde hy it paad
oan Maurits, noch te jong foar ’t fak,
de heit it roer, de soan ’t kanon,
yn ’t earst foel nea oer heit of soan it skaad.

Soan en heit, se sylden ’t eigen rak,
twa skippen foar deselde steat,
’t skip fan de heit kaam doe yn need,
dy’t nea wer krige by it roer syn plak.

’t Gie foar Johan op ‘e kop ferkeard:
feroardield ta de dea mei ’t swurd,
it smeekgebed wie him ta treast
foar ’t inerlik, mar foar de lea joech ’t neat.

Image

* Charles van Wijk (1875-1917)
Stânbyld ‘Johan van Oldenbarnevelt’

** Simon Opzoomer (1819-1878)
Skilderij ‘It lêste gebed fan Johan van Oldenbarnevelt’

Archief

Zoeken

  • Categorie

  • Datum