Archive for the Skiednisbylden category

Grinsprobleem

fan ûnbekend*

Grinzen liede faak ta striid,
want steaten easkje mear gebiet
as wêr’t se einliks rjocht op ha,
se sjonge dan it oarlochsliet,
dat driigjend trochklinkt wiid en siid.

Steaten wolle kusten ha:
Alaska wie lang fan de Rus
mei fjorden nei it suden ta,
Amearika waard keapman, dus
wie ’t mis foar Kanada.

Oarloch of in tribunaal
dat om it krekte lykwicht socht,
op frede moast it einliks ta;
Amearika kriich mear as tocht,
de útspraak joech kabaal.

Kanada wie op ien ein,
mar rekke net gau fan de kaart:
gjin hannel mei Amearika!
It hat net ta in oarloch laat,
sa is gjin grins ferlein.

* Kaart ‘Grinsskeel Alaska’

Panamakanaal

fan ûnbekend*

Panama, in stripe tusken oseanen,
lân fan in kanaal-konflikt,
dyn rom ûntstie troch it ferbinen,
do hast it flikt.

Spanje woe dy ivich oan Europa bine,
naam dyn ear en skatten wei,
mar rekke slim fertiisd yn wanen,
in ommeswaai…

… nei it machtsfertoan fan de Colombianen,
baas oer ’t strypke oerwâld-grûn,
dêr’t sy gjin trochbraak hawwe woene,
oan ’t âlde bûn.

Panama, do koest dy dêr net mei fersoene,
woest perfoarst in breed kanaal,
sochtst stipe by Amerikanen,
in nij ferhaal.

Do ferbûnst dyn takomst net mei it ferline,
bleaust net sitten achter gaas,
do lietst dy net troch frjemden poene,
waardst eigen baas.

* Reliëf ‘Panama’