Willem Tjerkstra’s thússide

Archive for the Skiednisbylden category

admin

Blitzkrieg 2

Skiednisbylden

fan ûnbekend*
fan ûnbekend**

As wjerljochtflitsen ûnferwachts
in oanfal op ’e ierde dogge,
dûkt wa’t libbet yninoar,
sjocht de flammen fan de brân…
it is no ienkear de natoer
dy’t dêr gjin acht op slacht.

As bommewerpers mei har fracht
fan Dútslân oer de Noardsee stekke,
dûkt it stedsfolk yninoar;
grut gefaar komt it út ’e hân
fan ’t nazifolk dat jout gjin moer
om ’t libben yn de nacht.

Mar Londen lit syn fearkrêft sjen
oan wa’t net nei it libben sjogge
fan de minske dy’t stânhâldt,
him ûntfermet oer in oar…
it is no ienkear syn natoer
te helpen wêr’t er kin.

* Foto ‘Dútske bommewerper’
** Foto ‘Londen brânt’

admin

Neutrale freonskip

Skiednisbylden


fan ûnbekend*

De oarloch sloech foar master op,
nei ’t westen ek yn ’t easten,
dat de hiele wrâld stie yn de brân,
fan Dútslân, Ruslân oant Japan…
wa sloech it earste?

’t Wie Dútslân dy’t dêrmei begûn,
nei ’t easten, doe nei ’t westen,
oare lannen stiene yn bestân…
wat diene Ruslân en Japan,
wat wie it bêste?

Dy lannen hiene oarloch hân,
mar waarden no bedrige,
dat sy struiden oer ’t ferline sân,
sa woene Ruslân en Japan
dêrboppe stige.

Wa’t fijân wie, waard no as freon
beskôge… ’t koe ferkeare,
beide wiene dêrmei út ’e brân.

Kaart ‘Twadde Wrâldoarloch’



Archieven

Zoeken

  • Categorie

  • Datum