Willem Tjerkstra’s thússide

Archive for the Skiednisbylden category

admin

Yp-pandemy

Skiednisbylden

fan ûnbekend*
fan ûnbekend**

Elk organisme kin se krije,
sykten dy’t him nei it libben stean,
beheind earst ta epidemy,
mar oer de grinzen hinne
is der sprake fan in pandemy.

Ek beammen ha dêrfan te lijen:
yn ’t ferline yn ús lân de yp,
beheind earst ta epidemy,
mar doe’t de kever reizgje
woe, spriek hy: ‘It wurdt in pandemy.’

De kever reizge mei in skimmel
op en liet dy op ’e ipen los,
gjin hâlden wie der doe mear oan,
’t gie oer de grinzen hinne,
withoefolle ipen binne stoarn.

Gjin kever stiet bekend as himmel,
komt dus fan syn skimmelmaat net ôf,
sa kaam der wer in pandemy,
doe folge nije oanplant,
wat brocht by de ipen eufory.

* Foto ‘Ypsykte’
** Foto ‘Ipen’

admin

Brutsen reus

Skiednisbylden

fan ûnbekend*
fan ûnbekend**

His Majesty’s Airship
op ’e grûn majestueus,
dêr’t minsken by yn ’t neat fersinke;
wês fan herten wolkom, passazjiers,
binnenyn is ’t lúksueus.

His Majesty’s Airship,
yn de loft in swevend skip,
dat gjin gefaar rint om te sinken;
wês gerêst, unike passazjiers,
nim in dronk op dizze trip.

His Majesty’s Airship,
driuwt op wetterstof, dat lekt
in bytsje fuort, net tinke
dat it mis giet, bêste passazjiers,
nim noch ien, gjin glês dat brekt.

His Majesty’s Airship,
op ’e grûn majestueus,
doe om de earste op te drinken,
letter mannich deade passazjier
yn en om de brutsen reus.

* Foto ‘HMA R 101 op ’e grûn’
** Foto ‘Nei de ramp fan HMA R 101’ 

Archieven

Zoeken

  • Categorie

  • Datum