maart 16, 2024
fan ûnbekend*
Wylst de stimmen binnen komme,
klinkt de stim fan Ruslâns god:
‘Ik bin de hear dy’t myn folk liedt
op wegen dy’t ik wize sil,
wa’t my net folget, wurdt ferdomme!’
Wylst de stimmen binnen streame,
sprekt de militêre god:
‘Ik bin de hear sa’t it no giet
mei noch mear wapens nei myn wil,
wa’t my net folget, wurdt ôfseame!’
Wylst de folgers massaal stimme,
sprekt de tirannike god:
‘Ik bin de hear dy’t jim ferbiedt
om op te sprekken, dus wês stil,
wa’t no net swijt, sil ’t fluch fernimme!’
“Foto ‘Poetin’
maart 9, 2024
fan ûnbekend*
Holodomor,
Oekraynske hongersneed,
sa wie ’t belied fan Stalin,
genoside trof ’t ûnskuldich folk,
miljoenen deaden nei lang leed.
Holocaust,
net te leauwen al dat leed
troch pogroms en yn kampen,
genoside trof ’t ûnskuldich folk,
miljoenen deaden oan ien gleed.
Holy dominance**,
hillich is de hongersneed
as faktor yn de oarloch
tsjin Hamas en it ûnskuldich folk…
hoefolle binne der yn need?
Holle dommens
dat mynhear de presidint
fan Israel yn oarloch
tsjin Hamas en it ûnskuldich folk
hat him yn hjoed de dei fersind.
* Foto ‘Holodomor’
** Oerhearsking