december 11, 2023
Kin de himel fjoer ferdrage
dat troch bom nei bom ûntstiet
en lôget yn it tsjuster op
om te ferbrânen wat noch libbet,
lea nei geast of tagelyk…
wurdt ea de top fuortfage?
Toppunt is as lieders roppe
dat it om de frede giet
foar eigen steat dy’t lang ferkeart
al yn in steat fan driigjend ûnheil,
dat de bom wol keare kin…
kin mem har bern ferstopje?
Lieders kinne feesten fiere
fan ’t chanoekaljocht of ’t bern,
hoewol’t de ierde tsjuster is
en deagewoane bern fermoarde
wurde, mar sjedêr wat kin:
it daget foar it sieren.
Mem mei ’t bern sil fierder rinne
oant sy komme by de bank
dy’t útsjoch biedt op rjocht nei skuld,
dan sil de top de kop ferlieze,
geast en lichem wurde lyk
foar’t rizen fan de sinne.
december 9, 2023
Lit de rie stean foar de feilichheid
foar alle folken yn de wrâld,
ek foar de Palestinen,
bombardearre troch it folk fan god
mei sels in moard-ferline.
Mar de rie hie gjin autoriteit
fanwege ’t oare folk fan god:
de steaten dy’t feriene
wiene, sprieken sterk it feto út
om ’t moard-rjocht te ferlienen.
Beide folken fan dy iene god
ha gjin begrutsjen mei de bern
dy’t út it libben glide,
komme sels oer liken wol foarút,
’t giet ta op genoside.