Willem Tjerkstra’s thússide

Archive for the Mytebylden category

admin

Gaius Mucius Cordus

Mytebylden

fan Matthias Stoner*

Hy die it mei syn linkerhân,
want dy joech oan it stekken stjoer
om foarst Porsenna om te bringen,
de fijân fan ’t Romeinske ryk…
de rjochterhân stiek hy yn ’t fjoer.

Mar Gaius stiek de skriuwer dea,
syn straf waard doe it lôgjend fjoer,
de rjochterhân brocht hy derhinne
ta eare fan ’t Romeinske ryk;
de foarst sloech acht op Gaius ’s kloer…

… en op syn linkerhân,
dy’t nei de skriuwer stutsen hie,
mar om syn moed woe hy dy sparje,
sa waard syn lea ek net ta lyk,
om’t hy foar held in hantsje hie.

* Matthias Stoner (sirka 1600-nei 1652)
Skilderij ‘Gaius Mucius yn oanwêzigens fan Porsenna’


admin

Satyrs en Silenen

Mytebylden

fan Jacob Jordaens*
fan ûnbekend**

Lit de Satyrs en Silenen
’t spul mar spylje fan jûchhei:
‘Hoera foar Dionysos,
mei syn nimfen dûnset hy.’

Satyrs mei har bokkepoaten,
lange earen en in sturt,
ha altyd nocht oan ûnnocht,
plichtsbesef… hat dat wol nut?

Jou Silenen mar de romte
om frijút te fjouwerjen
as hynders, sy ha nocht oan
Dionysos’ leave bern.

Lit de Satyrs en Silenen
mei de nimfen dûnsje yn
de nacht op, Dionysos
soarget foar de swiete wyn.

* Jacob Jordaens (1593-1678)
Skilderij ‘In satyr’

** Byldsje ‘Silenen’

Archieven

Zoeken

  • Categorie

  • Datum