Willem Tjerkstra’s thússide

Archive for the Mytebylden category

admin

Skylouros

Mytebylden

fan Eric Moorman en Wilfried Uittterhoeve

As ien mist yn de rige,
kinne njoggen it wol dwaan,
sa lit de holle witte,
mar it lichem sprekt fan ligen:
ienheid sil de macht ferslaan.

Skylourus wie tefreden
nei’t er lang regearre hie,
syn withoefolle soannen
soargen net folslein foar frede,
op syn stjerbêd joech er rie.

De jongste soan moast brekke
mar ien pylk, wat hy ek die;
in bondel pylken moasten
withoefolle broers doe brekke,
wat foar har te machtich wie.

Skylourus liet doe witte
dat de iene wichtich wie
foar ienheid yn de rige
om har mei de macht te mjitten,
’t waard syn ein nei dit berie.


admin

Sibyllen

Mytebylden

fan Michelangelo*

It wiene prysteressen,
troch Apollo yn ekstaze brocht
om de takomst te foarsizzen,
ûnheil lei der yn har lessen.

Apollo waard fereale,
ien Sibylle hied er op it each,
dy’t him frege lang te libjen,
’t waarden tûzen jier, wol deale…

… sy woe har dochs net bine
oan Apollo, dat sy bleau net jong,
waard noch lytser as in yntsje**,
krige mei de jierren pine.

It wiene prysteressen,
tolve sa’t it leauwe letter brocht,
ien fan har wie Noächs dochter,
’t wiene net te leauwen lessen.

* Michelangelo (1475-1564)
Skildering ‘Sibylle fan Cumae’
 
** krekel

Archieven

Zoeken

  • Categorie

  • Datum