Willem Tjerkstra’s thússide

Archive for the Lyrysk Deiboek category

admin

Stjerrende konifear

Lyrysk Deiboek
PDF Print E-mail

Image

Hjoed hat ús konifear de geast jûn,
geast fan hege weardichheid,
de beam fan allegear it meast sûn,
is ûntset derhinne waaid.

Image

In fearnsieu hat er ús beskade
simmers yn de sinneskyn
en as de stoarm him fûl ûntlade,
bleauwen wy wol út ‘e wyn.

Image

Fanmiddei yn de fûlste stjitten
hold syn woartel him net fêst,
de ierde moast him falle litte,
skean en skeind fûn hy wat rêst.

Image

Wy ha it medysk team doe skille,
fregen om eutanasy,
mar nimmen wie ús hjoed tewille,
moasten sels mar ta de die.

Image

Wat skruten hellen wy de seage,
rustich en sa stomp as wat,
ik soe, mar it gewisse pleage,
seagjend stiest dêr dan foar spot.

Image

Wy sille no fannacht mar wekje
by ús swakke konifear,
wylst wach op ek mar ’t lytste brekje,
moarn fertelle wy wol mear.

Image

admin

Stoarmbal by de sinne

Lyrysk Deiboek
PDF Print E-mail
Image

Al jierren leit er stil derhinne
sûnder skûtsjes nei de Thabor-terp
om modder foar de skrale finne,
stedske tiden ha de skippen keard;
no hawwe fûgels ’t ryk allinne
yn de Frjentsjerterfeart.

Wat krêften driuwe my derhinne,
stean ferline tiden noch op skerp
dy’t idealisearre binne,
ta in lanlik magysk barren keard?
Ik sil it wer belibje kinne
by de Frjentsjerterfeart.

It waar is min en ‘k rin allinne
yn de lijte fan de stedske terp
dêr’t minsken ’t âlde guod ynwinne;
‘k bliuw ynienen stean en sjoch ferheard:
in stoarmbal hinget nêst de sinne
by de Frjentsjerterfeart.

Image

Archieven

Zoeken

  • Categorie

  • Datum