Willem Tjerkstra’s thússide

Archive for the Lyrysk Deiboek category

admin

Nei simmertiid

Lyrysk Deiboek

De nacht friet op in oere
en spuide dy út nei de dei
om justjes langer te genietsjen
fan it ljocht as yn de jûn
de dowen ‘lekker sliepe’ koere.

Mar moarns by it lemieren,
wannear’t de sliep min ôfskie nimt
mei mannich lûs noch yn de eagen,
is der langstme nei de jûn
om mei de dowen feest te fieren.

Men sjocht it ljocht net brekken
troch de walen fan de iere moarn
om fan it skouspul te genietsjen,
troch de simmertiid ek jûn
om heech de loftrompet te stekken. 

admin

Freonen fan Baudet

Lyrysk Deiboek

Se binne freon fan Foarum
en fregen freonlik oan Baudet
oft dy in iepen each ha woe
foar har terras, foar klanten sletten,
in skande foar ’t dekoarum.

Baudet hie wol twa eagen,
acht sitten, mar ien each wie net
te sjen, syn sicht wie dus beheind,
berikte net de strange wetten
dy’t oer terrassen weagen.

Dus bêste freonen, jimme
gewicht feroaret net de wet
fan sletten bliuwt terras en kroech,
’t gesicht dat jim al earder setten,
stimt tsjin de measte stimmen. 

Archief

Zoeken

  • Categorie

  • Datum