Willem Tjerkstra’s thússide

Archive for the Lyrysk Deiboek category

admin

Gewurde litte

Lyrysk Deiboek

Yn streken bringt de boer syn risping
neffens wat syn aard him seit
oer de groei yn de natoer,
dus lit er hege spoaren achter,
dêrfoar is er boer.

Hy lit de greide net gewurde,
soks giet yn tsjin syn natoer,
dy’t him oandriuwt nei it fee,
dat winterdeis op fretten wachtet,
dêrfoar is er ree.

Mar sjoch, dochs moat er wol gewurde
litte greidefûgels yn de groei
dy’t it nêst ferlitten ha,
in kwestje fan it libben achtsje,
dêr moat elk op ta.

admin

Wachtsje op eksekúsje

Lyrysk Deiboek

Hy spile net de haadrol,
mar hie wol de âldste rjochten,
om’t er dêr al langer stie
as wat gebou ek yn de buert.

In byrol yn ’t teater,
mar dy eask koe hy net jilde
litte, om’t er woartels hie…
stânfêstich stie er op syn plak.

Syn tûken liet er hingje
om te swypkjen op ’e twirren,
wat syn eigen keunstke wie,
’t kaam foar de haadrol yn it plak.

In krús kriich hy as teken,
wat er as wurdearring tsjutte
foar wat hy prestearre hie,
’t kaam lykwols del op… út ’e buert.

Noch wiken  moast er wachtsje
op ’t befel fan eksekúsje,
op it poadium in die
dy’t foar ’t publyk de spanning bringt.

Archief

Zoeken

  • Categorie

  • Datum