Willem Tjerkstra’s thússide

Archive for the Keunst category

admin

Blomstillibben

Keunst
PDF Print E-mail
fan Jan van Huysum*

Image

Hy miste noch in giele roas
en drippen fan de dau,
dus stjoerde hy de boade
gau derút foar dei en dau,
want binnen kin ’t net oars.

Hy lit de blommen sjonge ’t liet
fan sjoch en rûk ús fleur
op allerhande toanen,
kleare komposysje dy’t
’t gefoel tilt nei majeur.

Wylst Bacchus boartet op ‘e faas,
stiet Floara op har stik
om ’t stik te dirigearjen,
binnen klinkt de tiid syn tik,
de keunst is hjir de baas.

Mar ûnder wolken stiet it oars,
dêr streamt it troch it grien
as ’t liet fan ivich rûzjen,
wylst de floara klapt as ien
op ’t ritme fan de roas.

Image

* Jan van Huysum (1682-1749),
dy’t syn oplieding krige
fan heit Justus van Huysum,
wie in skilder fan stillibbens.

admin

Bodegone

Keunst
PDF Print E-mail
fan Alejandro de Loarte*
Image

Hjir stean ik dan, dat ik soe sizze:
wolkom yn myn bodegon,
de herberch foar it sljochte folk
dêr’t myn persoan is inkeld tolk
foar lege magen freegjend om
de fisk en fûgels dy’t hjir lizze.

Ik soe it hingjen noch ferjitte,
do en brazem, bargepoat,
it blêd, al fisk- en fûgelfol,
lit sjen myn aard, gastfrij en gol,
sjoch dan net op in bistemoard,
want foar it iten moat men sjitte.

As fisk en fûgels binnen binne,
dan mei kaart en jild in spul
en ûnderwilens skink ik yn
de bêste boadegoadewyn,
in middel, nee gjin flauwe kul,
dat sjit it út en sûnder stinnen.

* Alejandro de Loarte (stoarn yn 1626)
wie in Spaanske skilder dy’t
it keukenstik fan de Hollânske masters
brûkte as foarbyld foar syn bodegone.

Archieven

Zoeken

  • Categorie

  • Datum