Willem Tjerkstra’s thússide

Archive for the Keunst category

admin

Swart goud

Keunst

fan Robert Gwelo Goodman*

It goud leit net yn Ingelân,
dus lit ús gean nei Afrika
om dêr it op te djipjen;
stek de beammen yn de brân
om dêr in goudmyn op te bouwen.

Wy stjoere swarten yn de grûn,
sy witte fan gjin kleurferskil
en ha har net ferdjippe
yn hoe hâlde wy it sûn,
sy kinne op ús myn fertrouwe.

Wat boppe komt, is wol fertroud
yn hannen fan de kolonist,
dy’t djipper dolt as swarten
mei syn geast fan suver goud…
in grut ferskil mei smoarge klauwen.

* Robert Gwelo Goodman (1871-1939)
Skilderij ‘De goudmyn fan New Gogh’

admin

Drinke op it bod

Keunst

fan Jacques-Laurent Agasse*

Dêr stiet er yn syn lange jas
en op it hier de hege hoed,
eksoatysk foar de Arabieren,
dy’t yn rok en mantel stean,
it giet om harren dieren.

Op hege poaten stiet it dier
mei op ’e romp de lange hals,
eksoatysk foar de westerlingen,
dy’t foar ’t allochtoane gean:
in bist mei brike ringen.

It bûcht de kop en jout him oer
oan Edward Cross syn hannelsgeast,
eksoatysk foar de Arabieren,
dy’t fersteld stean fan it bod,
royaal om feest te fieren.

De reis wurdt lang foar de sjiraf
en ûnbekend is it gebiet
dêr’t Cross him oan de adel skinke
sil, sa is it dier syn lot,
dus lit him earst mar drinke.

* Jacques-Laurent Agasse (1767-1848)
Skilderij ‘De Nubyske sjiraf’

Archief

Zoeken

  • Categorie

  • Datum