Willem Tjerkstra’s thússide

Archive for the Bibelbylden category

admin

Jobs libbenswinst

Bibelbylden
PDF Print E-mail
fan William Blake*

Behalve lijer waard Job ek lytsman,
hy bûgde djip yn ’t stof rûnom
en fielde him troch ’t Godswurd yn de ban:
‘Ik koe Jo mar fan hearren sizzen,
myn eigen sizzen hearde dom,
sjoch my as boete yn de jiske lizzen.’

De Iene rekkene it Job net oan,
mar wol syn maten rûnom him,
sy hiene ’t mei har sizzen slim bedoarn;
nei ’t offer moast Job foar har bidde,
ynmoedich klonk syn swakke stim:
‘Hâld, Heare, dizze freonen yn ús midden.’

De omslach kaam mei treast, in ring en jild
fan broers en susters dy’t er hie,
en boppedat in smite fee yn ’t fjild;
der waarden ek tsien berntsjes berne,
lykas it foar de delgong wie,
sa kriich Job libbenswinst nei it ferlerne.

Image

* William Blake (1757-1827)
Yllustraasje ‘Job nimt geskinken oan’

admin

Gods Wurd

Bibelbylden
PDF Print E-mail
fan William Blake*

Image

Ynienen wie de loft belutsen,
wjerljocht flitste by de wolken lâns,
God sels spriek yn de tongerklappen,
dat Job rekke út balâns,
waard ûnder ’t Wurd bedutsen:

‘Wiesto al by de earste dagen
doe’t de ierde kriich in geef gesicht
nei ’t lizzen fan de fûneminten?
’t Skeppingswurd as in gedicht,
’t wie goed, hat doe ien klage?

Witsto de gong fan alle dieren,
wylde ezel, berchgeit en it hart,
sy drave oer har eigen paden,
witte Wa’t har skepen hat,
sterk binne noch de spieren.

It nylhoars, kenst syn dwaan en litten?
Dik fan hûd en spand de stikken bil,
it masterstik fan hiel de skepping;
dan swimt dêr de krokodil,
in bist fan mânske mjitte.’

Doe wie Job stil,
soe hy de wierheid witte?

* William Blake (1757-1827)
Yllustraasje ‘God sprekt’

Archieven

Zoeken

  • Categorie

  • Datum