Willem Tjerkstra’s thússide

Archive for the Bibelbylden category

admin

Brief fan Antiochus Epifanes

Bibelbylden

fan ûnbekend*

Foarst Antiochus Epifanes
liet in brief útgean nei elke stêd,
dy’t spriek fan syn totalitêre macht:
de wyn derûnder,
draaie as in blêd,
dus jou op kenings wurden acht:

Ien foarst , ien folk, ien wet, ien god,
foar allegear deselde seden,
de sabbat komt net mear oan bod,
in barge-offer foar de frede,
ûnrein komt yn it plak fan rein,
de soannen wurde net besnien,
god Zeus sil troanje yn de timpel,
mei jim eigen Heare God is ’t dien
en dêrmei is no alles sein,
sjedêr it keninklike stimpel.

antiochus-epifanes-2

It wie in wet foar alle folken,
mar koe Israel it dêrmei dwaan?
Der kaam in skieding tusken wol en net:
’k Jou my derûnder.
Ik sil my net jaan…
hy hat syn eigen stimpel set.

* Yllustraasje ‘Barge-offer’

 

admin

Faai fisioen

Bibelbylden

fan Gustave Doré*

makkabeeer-3

It wie in bjusterbaarlik barren
yn de loft, in flitsend fisioen:
soldaten, ruters, swurden, spearen
fan moarns ier oant yn de lette jûn,
it folk waard neat besparre.

Wie dit in teken fan beskerming
of krekt oarsom, dus gjin ûntferming?

It wie in tiid fan strideraasje
tusken timpelprysters, leech en heech,
gjinien koe de reboelje keare
dy’t yn Sion útbriek, steech en dreech,
’t rûn út op argewaasje.

Wa hie it doe noch oer beskerming,
wie moard itselde as ûntferming?

Foarst Antiochus kaam fanwege
mei syn leger, net as fisioen,
mar mei soldaten, swurden, spearen,
moardzjend fan moarns ier oant yn de jûn,
de timpel waard ek lege.

It wie gjin teken fan beskerming,
de himel spriek fan gjin ûntferming.

* Gustave Doré (1833-1883)
Yllustraasje ‘De bewenners fan Jeruzalem
sjogge himelske legers’

 

Archieven

Zoeken

  • Categorie

  • Datum